god natta før julekvelden

"hei, eg vil gjerne ha ein taxi til i morgon tidleg"
"i morgon..julafta?"
"heh. nei. i morgon i dag. lillejulafta."
"ja, det er i dag"
"jah, i dag tidleg då."
...og det fekk eg gjere. verdas trivelegaste taxisentralmann skulle sende ein ti på halv sju i morgon (men det blir nok litt forseinka), og oppfordra meg i same slengen til å leggje meg. og sidan lista mi per no ser slik ut
,
og eg berre har tre punkt på ein ny lappe som skal gjerast (ta ut boss - pakke data - noko eg ikkje hugsar, men eg heldigvis har skrive ned) i morgon tidleg, så tek eg natta. eg har dobbeltsjekka at alarmen står på 5.20, og har berre ein ting å tilføye: eg gler meg til eg er heime i morgon kveld. god natt!

det er jo juletid

så det passar kanskje ganske bra at ein kunde på julehandel kalla meg ein engel i dag. for så glad blei ho då eg fann det ho ville ha. eg blei så glad av at ho blei så glad at eg blei litt rørt, og måtte nesten tørke ei tåre. heldigvis tok eg meg saman, og no kjenner eg all gleda over at eg har gleda nokon held på å drukne i oppvasken eg skal ta.

eg må kanskje redde den, gleden altså. for det er snart jul.

snart jul

ok då. så er det ikkje så snart jul heilt enno. men eg tek visst dette ljoset litt i etappar, tre-seks dagar i same slengen. før julafta skal eg dessutan nesten ikkje vere heime, så det er ikkje så nøye med dei siste dagane. vi får brenne resten av ljoset etter jul, over ei flaske gløgg, som sjølvsagt framleis er så godt som full.

eg er snart klar for jul. kontoen er så godt som tømt (sånn at eg har plass til dei femhundretusen eg er, og ei stund oppriktig var, overbevist om at eg kjem til å vinne på flakskalenderen) og eg har berre nokre småting att. til dømes to dagar jobb, og dei tinga eg har skrive opp her:

(dersom du lurer på kvifor ruta bak oppvasken er delt opp i tre, så er det fordi oppvasken er delt opp i tre. for så stor er faktisk oppvasken. 1/3 tatt, eller 3/5, dersom ein tel med alle etappane før denne lista òg)

det verste, ved sidan av oppvasken sjølvsagt, er nok pakkinga. litt fordi eg hatar det, og litt fordi eg syg i det. difor har eg skrive ei liste. når eg allereie har ein bossekk med leikar ståande på jobb som ventar til eg kjem (klokka sju!) på lillejulafta, og som eg etter jobb skal dragse med meg heimatt, så trengs litt planleggjing. og eg må vere streng. kanskje eg får plass i ein koffert, viss eg held meg til denne lista (noko eg aldri kjem til å gjere):

spørsmåla er berre: kva har eg gløymt? (og kva dvdar skal eg ha med meg? Eg har nokre i boks allereie, men tek gjerne mot tips.)

Snart ferie no. Eg skal nyte den, og det bør du òg!

passet påskrive

i dag var eg innom dei ansatte si juleavslutning på avdeling for lærarutdanning, HiB. eg sa nokre ord, og takka med det same for meg sjølv som leiar av studentrådet. deretter var det dekanen (rektor for avdelinga, for dei som ikkje veit det) sin tur, og ho takka òg for innsatsen min i studentrådet. i følgje ho er eg rettferdig, og syr ikkje puter under armane til studentane (dette kjem nok av at eg sa til studentane i haust at viss dei hadde problemar med at kvar klasse måtte ta ein halvtimes rydderunde ein gong i året, så kunne dei berre kome til meg for å klage. men dei måtte ikkje vente medkjensle). ho sa mykje anna òg, men det artigaste var nok då ho sa "Isabel er nok ingen gjennomsnittsstudent".

eg valde å ta det positivt. som eg alltid gjer når folk setter meg utanfor det normale/gjennomsnittet/medianen.

flytta?

hei!

eg vil berre sei at eg har flytta inn på BR Leker på Galleriet no fram til lillejulafta. då reiser eg heim til jul, og der blir eg ei stund. eg kan ikkje love at eg bloggar så mykje, men eg kan love å kome sterkare tilbake. også tittar eg innom så ofte som eg orkar.

innimellom skal eg nemleg prøve å rydde litt i denne jungelen som eg bur i, pakke litt mykje meir enn eg eigentleg har plass til (også litt til) og kjøpe dei siste julegåvene. som òg skal pakkast ned. det blir grådig kjekt.

eg lovar forøvrig òg at eg aldri skal bli som dei mest stressa mødrene som handlar på leikebutikken.

Ny mailven?

Nina Karin Monsen, eg har skrive blogginnlegg om deg fleire gongar. I stor grad fordi du uttalar deg så vanvittig om ting som påverkar veldig mange i negativ forstand. Eg har skjønt det slik at du ikkje forstår dette sjølv, fordi du sjølv trur du veit/kan alt og det du meiner difor er det som burde vore lova. Men eg lurer òg på når du har tenkt å skrive mail til meg for å kjefte for det eg har skrive. Eg blir nemleg flinkare og flinkare til å gi beskjed når ting ikkje er greitt, og trur ei samtale med deg kan vere endå betre trening for meg.

ps. du er og blir eit tåpeleg menneske. kan ikkje du gå og gjere noko positivt i staden for å spre negativitet? Hånande lått teljer ikkje, uansett om den kjem frå eller mot deg.

pps. dagens sitat: eg hadde skrive ut heile mailsamtala frå artikkelen over, for å lese den. vi har akkurat fått grupper til eksamensprosjektet vi skal jobbe med framover (monolog, HURRA!), og eg jobba litt med nokre utskrifter vi hadde tatt saman med han eg er på gruppe med. då han kom over artikkelen og las litt, sa han "eehh..duu..e du fan av Nina Karin Monsen?", eg svarte "NEI", og han fortsatte med "bra. trudde nesten eg måtte be om å få bytte gruppe her ei stund". Eg trur det blir eit fint prosjekt. :)

kjære posten

det her er vel kanskje det som blir rekna som ei litt for full postkasse, er det ikkje?

for alt eg veit er forresten dette ei svertekampanje mot cdon, som lovar å levere pakkar som blir bestilt seinast 19.desember klokka 24.00 (som i tillegg er natt til sundag 20.desember), stikk i strid med at posten har satt fristen til 16.desember.

fredag <3

Min fredag: frå ca tolv til ca seks skreiv eg dei siste totusen orda på heimeeksamenen min, og fekk fire timar søvn før eg sto opp og kom meg opp på skulen. fekk gjort eksamenen klar til levering, leverte og åt litt graut. fekk mandel, og vann ei bok om graut og verdas kulaste hue.

deretter kom eg meg heimom ein (liten, men fantastisk) tur før eg møtte, drakk kaffi med og gjekk på teater med fine Malene. Brødrene Løvehjerte, igjen. For siste gong. Og det var herleg!

deretter drakk eg litt øl med to frå klassa mi, før eg gjekk på Katzenjammer-konsert. den var heilt, heilt fantasisk, og eg fekk dessutan kleskompliment frå to stykker i dokøa før konserten. dokø er undervurdert! ...men så hadde eg verdas kulaste hue då, som rett og slett passa saman med resten av antrekket. :)

eksamensfeiring

på fredag. når eksamen er levert og livet smiler til meg. på fredag når eg berre har to julebord, der eg berre er med på planleggjinga av eit av dei, berre tre vanlege skuledagar og sju arbeidsdagar att før eg pakkar kofferten min og reiser heim til jul. den fredagen. den fredagen skal eg feire at eg har levert eksamen. eg skal feire at eg ikkje treng å sitte oppe heile natt til laurdag, og det skal eg gjere saman med fine folk. og med god underhaldning. og veit du kva eg skal?

hint ein

hint to:


Eg gler meg!

sarah-jane potts

åherregud.
er det mogeleg å vere så søt? er det i det heile tatt lov?
trurkanskjeikkjedet nei.